Plattdüütskbeupdraggter - Plattdeutschbeauftragter |
För Oostfreesland hett de Tweespraakigheid en heel grote Bedüden. Daarum hett de Oostfreeske Landskupp sük daarvör insett, dat Plattdüütskbeupdraggte benöömt worden. Siet 2009 gifft dat in de meeste Steden un Gemeenten Beupdraggte, de sük daarum kümmern, dat Plattdüütsk in Raad un Verwalten en fasten Deel van dat Leven un dat Arbeiden is un blifft. Daarbi geiht dat daarum, dat elk un een ok up Platt sien Anliggens vördragen dürt un faken ok up Platt hulpen word. Dat is ok en grote Anliggen van de Europäisk Sprakencharta. Disse Charta seggt, dat Plattdüütsk as Regionaalspraak blieven sall. Dat Land Neddersassen hett overnohmen, Plattdüütsk to fördern un daarbi ok de Gemeenten in de Plicht nohmen.
De Raad van d‘ Gemeent Grootfehn hett mi as Plattdüütskbeupdraggte benöömt. Disse Upgaav maak ik buten mien Arbeid. As Lidd van de Gemeenteraad bün ik dat plattdüütsk Geweten van Grootfehn. In Raad un Verwalten köönt all Leden un Mitarbeiders Platt verstahn. Denn kunn an un vör sük elk un een, de dat kann,ok Platt proten. Man dat is alltied noch nich bi al Lüü in de Koppen. Daar mutt noch en heel Bült daan worden.
Ihr Ansprechpartner | ||
Hans Freese Plattdüütskbeupdraggter Im Dorfe 1 26629 Großefehn Telefon: 04943 / 3833 Mobil: 0170 / 7527634 eMail an Hans Freese |